Chakre Chovow inu mo-a mei no sii kaba Mao-Gate he Mikri chiijii le pfuki va ozhu takaba obu kalie.Hehe Mikri ariipei,Mikri Okhro ea Dimapur kole,NH 39 pu nghisii bue. Obu he (altitude) atokru no 5762.02 ft. bue. Ochii-jii he chikhrei chiirii, ojii-kotho,rashii-mani, ovu-pro, okhe-so yishu so shihra kani bu kali koe. Mosowoli tata-siireh motsiia sowe ana,Manipur - Nagaland orei ko nhi kobu duno ohrii-hra koso pei he-a oke kayi paji niwe.
Chakre Chovow inu he liji-lova kaka Nh.39 pu nghi kobu dusii no Oramei ko kayi he-a pfulu koru oke kayi nerei. Kakra pfuna Missionary Rev. William Pettigrew he 6 February 1894 ni heno Mikri chiiji le vulloe. Ana Mikri-Jikhro lehe pfuvo-so khru he Mikrimei no abo kotu vano,Political Agent Mr.Maxwell no Mikri chiiji thea tatuo tto kape dusiino,kono mopfu 1895 kusii Chakre Chovow inule vuloe.Pfono inule kotsiimei yi ku kodzii lo-a Oramei ko kayi pemanie ea Baptist Mission Compound sothu leto ojjiia khoe. Ana inule olekhroshu kocho kotsii mei siino ojji sii-a pibotie ea Khristan sii-e moso botie. Siikoli moa pfoyi sii mothu khru hu matao tie. Siibviia pfosii Pihumei chiiji pei taie.
