Chakre Chovow inule he mopfu koso theno thikotu Mr. Athikho Daihrii no karei so-a 1937 ku henoOramei yi pfolo-a, Kangpokpi ME School le Headmaster Miksha Shimray no odzii khekodo pie. Siipha chiisii pfuhe Cotton College,Guwahati nghino larii modowo bue. Mr. Athikho Daihrii he graduation sokolo thesii inule vu hriiba komo dusiino, Ormei ko kayi he inule mei nghi pe kozhu azhu lomotie, hebvii-a Inule mei he mopfu tekali kozii le siino hrii-a koe.
Siithesii, thikotu Mrs. Akim Kom no, pfu prow Daniel Kom ea Miss Teodora Kom yi aku-a Mao Gate nghino pharmacy kali solo-a koso-kno mei yi kolei kapi kolimo Khrista ko kayi sii-a omei khrumei nghi ki modopie. Pfuno likashii khrumei ea ochii tamei vu koki-chiku kapi khrumei thopfii nghi-a Lipeo ko kayi sii modopie. Hebvii-a mopfu 1946 kuhe, pfuno Lipeo yi pfukolomei mu kali sawo pfu chiinghi no Lipeo yi kotho vo he rei-a sawo sothue. Heheno Chakre Chovow inule Khrista mei adzii karei reiku nasii siie. Mrs. Akim no Church chii sothulo komosa pfu chiinghi no savu Lipeo yi tho azhulo we ea oko kayi modopie.
Church chii karei na sokothu chiihe, inule kotsiimei ea opfu-pe china leno kata khrumei no atsiitepfo omei khrumei yi pekorao Khristan moso lemoe to soteso khua nue. Ana mole kulo khrumei no, pfuta omei prom matei-a okhru jiishu ea chitu-chilei pfo mopfu 1948 kuhe Monu fii (izho deni Mao IB) kanghi nghi ki church chii karei nasii sothu loe. Thikotu Mr. Mangai Obow no karei reilei naii so-a pastor in-charge he sopie.
